.........قطفة حبق..... .
شعر باللغة المحكية.....
عبارة عن لازمة واربعة مقاطع...
...بحر همومي...
شاعر عا بحر همومي
حطيت سياج
صغيرة وما فيكي تعومي
بين الامواج
...............
ياصغيري عا اشواقي
وفكري المجنون
انتي الاغلا برفاقي
وكنزي المكنون
عندك ضيعت وراقي
وجنوني فنون
وقربي اصعب م فراقي
وسكوني هياج
صغيرة وما فيكي تعومي بين الامواح...
....... .... ..
بحر محبة وحنيي
وحلوة ومشوار
ارتسمت لوحة بعينيي
وبقلبي نار
انتي الشمس المضويي
وحدك عازار
عم يتمنى ليليي
تضويلو سراج
..صغيرة ومافيكي تعومي بين الامواج..
اسمك ع حدود شفافي
خيم و ارتاح
غلي بقلبي ولا تخافي
جنون الارياح
وزنك ريشة ع كتافي
و عطرك فواح
عا دربك بمشي حافي
و ما بقلك حاج
......صغيرة وما فيكي تعومي بين الامواج...
شفتك بمحطة عمري
ال مني هربان
نفحة عطرك من عطري
وقلبي المليان
لا تخليني عا جمري
عاشق ولهان
خايف يقفا عن نظري
القد المغناج
......صغيرة وما فيكي تعومي بين الامواج...
عازار الريم سورية.
ليست هناك تعليقات:
إرسال تعليق